बसको ठक्करले मोटरसाइकल चालकको मृत्यु

रौतहट, १९ माघ । गएराति रौतहटस्थित पूर्व पश्चिम राजमार्ग अन्तर्गत धन्सार पुल नजिकै बसले मोटरसाइकललाई ठक्कर दिँदा एकजनाको मृत्यु भएको छ।
राति करिब नौ बजे गौरबाट बनेपा तर्फ जादै गरेको ना ४ ख ४२१० नम्बरको बसले काठमाडौंबाट सर्लाही जाँदै गरेको बा ३६ प ३६२५ नम्बरको मोटरसाइकललाई ठक्कर दिँदा चालक सर्लाही हेमपुर ९ का ३९ बर्षीय जितेन्द्र मण्डलको मृत्यु भएको हो ।
मोटरसाइकलमा पछाडि बसेका रामेछाप दिमिपोखरी १ का २२ बर्षीय सञ्जीव थापा मगर घाइते भएका छन् । ठक्कर दिने बस चालकलाई नियन्त्रणमा लिएर अनुसन्धान भइरहेको इलाका प्रहरी कार्यालय चन्द्रनिगाहपुरले जनाएको छ।