फिल्म राधेको मलाई माफ गर प्रिय बोलको गीत भिडियो रिलिज

काठमाडौं, १९ माघ । निखिल उप्रेती र प्रियंका कार्की स्टारर फिल्म राधेको मलाई माफ गर प्रिय बोलको गीत भिडियो रिलिज भएको छ ।
केही दिन अगाडी कालिञ्चोकको हिँउमा खिचिएको मलाई माफ गर प्रिया बोलको गीतमा नायक निखिल उप्रेती र नायिका प्रियंका कार्की फिचरिङ छन् । अर्जुन पोखरेलको शब्द र संगित रहेको गीतमा बलिउड गायक अभिजित भट्टाचार्यको स्वर रहेको छ ।
सुशिल पोखरेलको लगानी रहेको फिल्मलाई जगदिश्वर थापाले निर्देशन गरेका छन् । चलचित्रमा निखिल, प्रियंका, अशिष्मा नहर्मी,शिशिर भण्डारी, प्रमोद अग्रहरी र सलोन बस्नेतको मुख्य भुमिका रहेको छ । फिल्म बैशाख १ गतेदेखि प्रदर्शनमा आउँदैछ ।