इंग्लिस प्रिमियर लिगको साबिक विजेता लेस्टर सिटी पराजित

एजेन्सी, १९ माघ । इंग्लिस प्रिमियर लिगको साबिक विजेता लेस्टर सिटी फेरि पराजित भएको छ । लिग अन्तर्गत गएराति भएको खेलमा लेस्टर सिटी बर्नलीसँग १–० ले पराजित भएको हो ।
बर्नलीको जितमा ८७ औं मिनेटमा साम वोक्सले गरेको गोल निर्णायक बन्यो । लेस्टर सिटीले यो सिजन प्रिमियर लिगमा अहिलेसम्म खेलेको खेलमा जित निकाल्न सकेको छैन् । लिगमा लेस्टर सिटीको यो लगातार तेस्रो हार हो । हारपछि २३ खेलबाट २१ अंकसहित लेस्टर सिटी १६ औं स्थानमा पुगेको छ । २९ अंकसहित बर्नली नवौं स्थानमा छ ।
गएराति नै भएका अन्य खेलमा क्रिष्टल प्यालेसले बोर्नमाउथलाई २–० तथा स्वान्सी सिटीले साउथह्यामप्टनलाई २–१ ले हरायो । मिडल्सबर्ग र वेष्ट ब्रोमले १–१ को बराबरी खेले ।