जोगाउनु छ कालापानी बोलको गीत सार्वजनिक

काठमाडौं, १२ फागुन । चर्चित लोक गायक पशुपति शर्मा र कला पंगेनीको संयुक्त आवाजमा रहेका जोगाउनु छ कालापानी बोलको गीत सार्वजनिक भएको छ ।
साहित्यकार दुर्गा पंगेनीको शब्द संयोजन रहेको गीतमा नेपालको वर्तमान अवस्थाबारे चित्रण गरिएको छ । भारतले सीमा मिचेको विषयमा तयार पारिएको गीतको भिडियो युट्युवबाट सार्वजनिक गरिएको हो ।
शंकर बिसीको निर्देशनमा बनेको गीतको भिडियोमा गायक पशुपति शर्मा तथा कला पंगेनीसँगै विपेश घिमिरे, बिनु खड्का, भटभटे माइलालगायतको अभिनय रहेको छ । सुरज श्रेष्ठले छायांकन गरेको गीतको भिडियो दुर्गा पंगेनीले निर्माण गरेका हुन् ।