चन्दलाई प्रहरी प्रमुखमा पदस्थापन नगर्न सर्वोच्चको अर्को आदेश

काठमाडौं, २ फागुन । सर्वोच्व अदालतले सरकारले आईजीपीमा सिफारिस गरेका जयबहादुर चन्दलाई पदस्थापन नगराउन सरकारलाई अर्को आदेश जारी गरेको छ ।
हिजोमात्र डीआईजी नवराज सिलवालले वरियता क्रम मिचेर सरकारले चन्दलाई आईजीपी बनाएको भन्दै सर्वोच्वमा रिट दायर गरेका थिए । आज सुशीला कार्कीको इजलाशले अल्पकालीन अन्तरिम आदेश दिँदै चन्दलार्इ पदस्थापन नगर्न भनेको हो । हिजो दिएको आदेशलाई पनि अदालतले यथावत राखेको छ ।
रिट निवेदकको तर्फबाट वरिष्ठ अधिवक्ता शम्भू थापा, तुलसी भट्ट, अधिवक्ताहरु गोविन्द बन्दी, टीकाराम भट्टराई, ओमप्रकाश अर्याल, ऋषिराम घिमिरे लगायतले बहस गरेका थिए ।