दुई वटा मोटरसाइकलले पालैपालो ठक्कर दिँदा पैदलयात्रुको मृत्यु

चितवन, २७ माघ । पृथ्वी राजमार्गअन्तर्गत चितवनको कुरिनटारमा मोटरसाइकलको ठक्करबाट एक जना पैदलयात्रुको मृत्यु भएको छ ।
मुग्लिनबाट काठमाडौं जाँदै गरेको ग ८ प ६५६७ र ग ९ प ५३५१ नम्बरको मोटरसाइकलले पालैपालो ठक्कर दिँदा सडक छेउवाट हिँडिरहेका चितवन दारेचोकको पूर्णबहादुर चेपाङको मृत्यु भएको प्रहरीले जनाएको छ ।
मोटरसाइकल चालक चितवनको दारेचोककै जापान मगर र सुसन उप्रेती घाइते भएको प्रहरीले जानकारी दिएको छ ।