लालटिन नयाँ टिजर सार्वजनिक, अब चलचित्र जेठ २६ मा रिलिज हुने

काठमाडौं, २६ माघ । चैत्र १८ बाट प्रदर्शनमा आउने तयारीमा रहेको चलचित्र लालटिनको रिलिज मिति सरेको छ । अब चलचित्र लालटिन जेठ २६ मा रिलिज हुने भएको छ । दयाहाङ राईको अभिनय रहेको लूट २ र लप्पन छप्पन लगातार रिलिज हुने भए पछि दयाहाङ कै अभिनय लालटिनको ब्यापारमा फरक पर्ने हुदा चलचित्रको रिलिज मिति सारिएको निर्माण पक्षले जानकारी दिएको छ ।
चलचित्रको नयाँ रिलिज मिति सगै चलचित्रको नयाँ टिजर समेत सार्वजनिक गरिएको छ । दयाहाङ राई, प्रियंका कार्की, केकी अधिकारी, अर्जुनजंग शाही, ए गुरुङ, नीर्जन थापा, राज कट्वाल अभिनित फिल्मलाई देवकुमार श्रेष्ठले निर्देशन गरेका हुन् ।
भानुप्रतापको प्रस्तुति, अनिम श्रेष्ठ र राज केसीको निर्माण एवं मनोज राजभण्डारी र दीपक श्रेष्ठको सह निर्माण रहेको फिल्मलाई एमसन पिक्चर्सको ब्यानरमा निर्माण गरिएको हो ।