वरिष्ठ नेता पौडेल आज बेलायत जाँदै

काठमाडौंं, २६ माघ । नेपाली कांग्रेसका वरिष्ठ नेता रामचन्द्र पौडेल आज युरोप यात्रामा निस्किँदै छन् । युरोपका विभिन्न देशमा हुन लागेको पार्टीको कार्यक्रममा सहभागी हुन पौडेल आज बेलायत जान लागेका हुन । पौडेल बेलायत हुँदै डेनमार्क, नेदरल्यान्ड, बेल्जियममा हुने पार्टीका कार्यक्रममा सहभागि हुने कार्यक्रम रहेको छ ।
उनले राती साढे ८ बजे ओमान एयरबाट प्रस्थान गर्ने कार्यक्रम रहेको छ । पछिल्लो समय प्रधानमन्त्री पूष्पकमल दाहालले समयमै स्थानिय तह निर्वाचन मिति घोषण गर्न नसक्दा सत्तारुढ दलभित्रै विवाद भइरहेका बेला वरिष्ठ नेता पौडेल भने केही दिनका लागि युरोप यात्रामा निस्कन लागेका छन् ।