क्यामरुन बन्यो अफ्रिका कप अफ नेशन्स च्याम्पियन

एजेन्सी, २४ माघ । अफ्रिका कप अफ नेशन्सको उपाधि क्यामरुनले जितेको छ । गाबोनमा गएराति भएको फाइनलमा इजिप्टलाई २–१ ले हराएर क्यामरुनले उपाधि जितेको हो । क्यामरुनले योसँगै पाँच पटक अफ्रिका कप अफ नेशन्सको उपाधि जितेको छ । क्यामरुनको जितमा निकोलस एनकुलु र विन्सेन्ट अबुबाकरले गोल गरे । खेलमा अग्रता भने इजिप्टले लिएको थियो । २२ औं मिनेटमा मोहम्मद अलनेनीले गोल गर्दै इजिप्टलाई सुरुवाति अग्रता दिलाए । पहिलो हाफमा १–० ले पछि परेको क्यामरुनका लागि ५९ औं मिनेटमा एनकुलुले बराबरी गोल फर्काए । ८८ औं मिनेटमा अबुबाकरले गोल गर्र्दै क्यामरुनलाई जित दिलाए ।
क्यामरुनले १५ वर्षपछि फेरि उपाधि जितेको हो । यसअघि सन् २००२ मा क्यामरुनले उपाधि जितेको थियो ।