आलिया एक राम्री बुहारी बन्न सक्छिन्-बरुण धवन

काठमाडौं, २१ माघ । पर्दा बाहिर अभिनेत्री आलिया भट्ट र अभिनेता सिद्धार्थ मल्होत्राको प्रेम चर्चा छ । तर पर्दामा भने आलिया र अभिनेता वरुण धवनको जोडीलाई बढी रुचाइन्छ ।
आलिया र वरुण अभिनित नयाँ फिल्म बद्रीनाथकी दुल्हनियांको ट्रेलर सार्वजनिक भएको छ । ट्रेलर सार्वजनिक कार्यक्रममा बरुण र आलियाको साथमा यसका निर्माता करण जोहर पनि उपस्थित थिए । उनले, आफू बरुण र आलियाको स्वयम्भर गर्न आएको बताएका थिए ।
सोहि समयमा, मिडियाको प्रश्नको जवाफ दिदै वरुणले भने, आलिया एक राम्री श्रीमति बन्न सक्छिन् या सक्दिनन्, त्यो त थाहा छैन । तर, एक राम्री बुहारी भने बन्न सक्छिन् । वरुणले यसो भन्दा आलियाले किन श्रीमति बन्न सक्दिनँ ? भन्दै प्रश्न गरेकी थिइन् । यो फिल्मको ट्रेलर सार्वजनिक भएसँगै यसलाई रुचाइएको छ ।