चलचित्र कुम्भ करणको टिजर सार्वजनिक

काठमाडौं, १७ माघ । चलचित्र कुम्भ करणको टिजर सार्वजनिक भएको छ । युट्युब मार्फत सर्वाजनिक गरिएको उक्त टिजरमा विशेषतः स्कुलमा काम गर्ने पिउनले शिक्षिकालाई मनपराएको र पिउन जेल गएको देखाइएको छ ।
दीपक ओलीको निर्देशनमा बनेको कुम्भ करणमा भोला सापकोटा, निशा अधिकारी, गौरव पहारी, अभय बराल, आकाश पल, कुलदिप अधिकारीलगायतको अभिनय रहेको छ ।
शैक्षिक विषयबस्तुलाई अंगालिएको चलचित्र कुम्भ करण हो । छायाँकन सकिएर सम्पादन सुरु भएपनि यो चलचित्रको प्रदर्शन मिति भने हालसम्म तय गरिएको छैन । महेश दवाडीको कथा, पटकथा तथा संवाद रहेको यो चलचित्रमा क्षितिज बस्नेतको निर्माण तथा रोम वलीको सह–निर्माण रहेको छ ।

https://www.youtube.com/watch?v=1fTslTEtF0E&feature=youtu.be