बैंकर अनिल शाह अब चलचित्रका नायक

काठमाडौं, १७ माघ । बैंकर अनिल शाह अब चलचित्रका नायक हुने भएका छन् । उनी चलचित्र ब्लाइन्ड रक्सबाट चलचित्रको पर्दामा देखिने भएका हुन् ।
मिलन चाम्सको निर्देशनमा बन्न लागेको चलचित्र ब्लाइन्ड रक्स दुवै आँखाको ज्योति गुमाएकी सृष्टि केसीको जीवनमा आधारित रहेर बन्न लागेको हो । उक्त चलचित्रमा बैंकर शाहको महत्वपूर्ण भूमिका रहने निर्देशन चाम्सले जानकारी दिए ।
शाहको रोल हिरो जस्तै हुने चाम्सले बताए । चलचित्रमा सृष्टिको भूमिकामा नायिका वेनिशा हमाल प्रस्तुत हुँदैछिन् । यसको साथै अर्पण थापा, गौरी मल्ल, शिशिर राणालगायत कलाकारहरुको पनि ब्लाइन्ड रक्समा अभिनय रहनेछ ।
निकेश लिम्बु निर्माता रहेको चलचित्र आउँदो साताबाट काडमाडौंबाट छायाँकन सुरु हुनेछ । हरि लम्साल र तारा प्रकाश लिम्बुको संगीत रहने फिल्ममा कविराज गहतराजको कोरियोग्राफी रहनेछ । सम्पादन अर्जुन जिसीले गर्नेछन् । चलचित्रको प्रिमियर युकेमा गरिने निर्माण पक्षले बताएको छ ।