प्रधानमन्त्री दाहाल र प्रमुख निर्वाचन आयुक्त यादवविच आज भेटवार्ता

काठमाडौं, १६ माघ । प्रधानमन्त्री पुष्पकमल दाहाल र प्रमुख निर्वाचन आयुक्त अयोधिप्रसाद यादवबीच भेटवार्ता भएको छ। आज प्रधानमन्त्री निवास बालुवाटारमा भएको भेटवर्तामा स्थानीय तह निर्वाचनको मिति घोषणाको तयारी बारे छलफल भएको छ, बालुवाटार स्रोतले जानकारी दियो।
प्रधानमन्त्री दाहालले वैशाख अन्तिमसम्म जसरी पनि चुनाव गर्ने तयारी भइरहेको भन्दै कुनै हालतमा चुनाव नरोकिने बताएका थिए। उनले सरकार चुनावको मिति घोषणाको तयारीमा रहेको समेत यादवलाई जानकारी दिए।
प्रमुख आयुक्त यादवले चुनावसम्वन्धी विधेयकहरु पाउनासाथ आयोगले आफ्नो कामलाई तिब्र पार्ने बताएको प्रधानमन्त्रीको निजी सचिवालयले जनाएको छ।