मनाङ आहा रारा गोल्डकपको फाइनलमा

पोखरा, १३ माघ । मनाङ मस्र्याङ्दी क्लब १५ औं आहा रारा गोल्डकपको फाइनलमा प्रवेश गरेको छ । आज भएको दोस्रो सेमिफाइनल खेलमा संकटा क्लबलाई १–० गोल अन्तरमा हराउँदै मनाङले उपाधिका लागि आयोजक सहारा क्लब सगँको भेट पक्का गरेको हो ।
मनाङलाई जिताउन विदेशी खेलाडी ओला वालेले निर्णायक गोल गरे । विक्रम लिम्बुले हानेका फ्रिकिमा विमल बस्नेतले दिएको पासलाई हेड गर्दै उनले गोल गरेका हुन । उनले हेड मार्फत खेलको ८५औं मिनेटमा गोल गरेका थिए ।
चार पटक उपाधि विजेता मनाङ र एक पटक उपाधि उचालेको आयोजक सहारा क्लबले उपाधिका लागि शनिबार खेल्ने छन ।