चलचित्र पञ्चायतको डबिंगमा

काठमाडौं, १३ माघ । चलचित्र पञ्चायतको डबिंग अहिले धमाधम रुपमा भई रहेको छ । ५० बर्ष पुरानो कथामा निर्माण भएको चलचित्र पञ्चायतको डबिंग सोचे भन्दा बढी समय लागेको निर्देशक शिवम् अधिकारी बताए । चलचित्रको डबिंगमा बाग्लुङमा बोलिने पुरानो भाषाको कारणले कलाकारलाई चलचित्रमा आफ्नो भाषा मिलाउन अलि समय लागेको कारणले पनि चलचित्रको डबिंगलाई सोचे भन्दा बढी समय लागेको अधिकारीले बताए ।
अर्को बर्ष रिलिज गरिने तयारीमा रहेको चलचित्र पञ्चायतमा संचारकर्मी रबि अधिकारी कार्यकारी निर्माता रहेका छन् । गणेश गिरीको प्रस्तुति रहेको यस चलचित्रमा सुशान्त श्रेष्ठ र शंकर सुवेदी निर्माताको रुपमा रहेका छन् । चलचित्रमा सरोज खनाल र नीता ढुङगाना मुख्य भुमिकामा छन् । साथमा रुपा राना, गणेश गिरी,जाहन्वी बस्नेत, बिशाल पहाडि गिता अधिकारी, किरण थापा, राजुबाबु श्रेष्ठ लगायतको पनि अभिनय रहेको छ । चलचित्रमा रामेश्वर कार्कीको छायांकन ,टंक बुढाथोकीको संगीत रहेको छ ।