एक हप्ताभित्र पार्टी पदाधिकारी चयन : देउवा

दाङ, १३ माघ । नेपाली कांग्रेसका सभापति शेरबहादुर देउवाले अबको एक हप्ता भित्रै पार्टी पदाधिकारी चयन गर्ने बताएका छन् ।
नेपाल प्रेस युनियनले दाङको तुलसीपुरमा आज गरको पत्रकार सम्मेलनमा उनले एक हप्ता भित्रै पार्टी पदाधिकारी र विभाग गठन गरिसक्ने बताए । पार्टीमा सबैलाई मिलाएर पदाधिकारी र विभाग गठन गर्ने सभापति देउवाको भनाई छ ।
आउँदो वर्षको माघसम्ममा तीन तहको चुनाव गरिसक्नु पर्ने भएकाले सहमतिको प्रयास भइरहेको देउवाले बताए । केही दिनभित्रै दलहरुबिच सहमति भएर चुनावको वातावरण बन्नेमा आफू आशावादी रहेको उनले बताए ।