कौन बनेगा करोडपतिमा अब रणवीर कपूर आउने

एजेन्सी, १२ माघ । भारतको चर्चित टेलिभिजन शो कौन बनेगा करोडपति भन्ने बित्तिकै अभिनेता अमिताभ बच्चन नाम आउँछ । अब कौन बनेगा करोडपति अमिताभले नचलाउने भएका छन् ।
अमिताभले नचलाउने भएपछि यो शो अब बलिउड नायक रणवीर कपूरले चलाउने भारतीय मिडियाले जनाएका छन् । पहिलो सिजनदेखि नै अमिताभले यो शो सञ्चालन गर्दै आएका थिए । उनले नै कौन बनेगा करोडपतिलाई दर्शकमाझ स्थापित गरेका हुन् ।
सन् २००० बाट सुरु भएको केबिसीको ८ सिजन सकिसक्यो जसमा ७ सिजन अमिताभले चलाए भने एक सिजन शाहरुख खानले ।
शाहरुखले चलाएको सिजनले सफलता नपाएपछि पुनः अमिताभ शोमा फर्किएका थिए । भारतीय मिडिया अनुसार अमिताभ शोबाट बाहिरिनुको कारण भने प्रस्ट भएको छैन ।