आर्मी सेमिफाइनलमा प्रवेश

काठमाडौं, १० माघ । नेपाल आर्मी क्लब पोखरामा जारी आहा रारा गोल्डकप फुटबल प्रतियोगिताको सेमिफाइनलमा प्रवेश गरेको छ ।
आज भएको क्वार्टरफाइनलमा झापा–११ लाई २–० ले पराजित गर्दै आर्मीले सेमिफाइनलमा प्रवेश गरेको हो ।
आर्मीको जितमा नवयुग श्रेष्ठ र भरत खवासले एक–एक गोल गरेका छन् । पहिलो हाफ बराबरीमा सकिएको खेलमा दुवै गोल दोश्रो हाफमा भएको थियो । नवयुगले खेलको ४६ औं र भरतले ७० औं मिनेटमा गोल गरका हुन् । आर्मीले सीधै क्वार्टरफाइनल खेल्ने अवसर पाएको थियो भने झापाले प्रिक्वार्टरफाइनलमा एएनए अमेरिकालाई हराएको थियो ।
प्रतियोगिताको अन्तिम क्वार्टरफाइनलमा भोलि संकटा क्लब र फारासगन्ज स्पोर्टिङ क्लब खेल्दैछन् । संकटाले प्रिक्वार्टरफाइनलमा नेपाल पुलिस क्लबलाई हराएको थियो भने फरासगन्जले सीधै क्वार्टरफाइनल खेल्ने अवसर पाएको हो ।