भक्तपुरमा जुवाडे सहित सात लाख ५२ हजार ८५० र १६ थान कौडासहित नियन्त्रणा

भक्तपुर, ७ माघ । भक्तपरमा जुवा खेल्दै गरेका अवस्थामा प्रहरीले २० जुवाडेलाई नियन्त्रणा लिएको छ । महानगरीय प्रहरी कार्यालय रानीपोखरीबाट खटिएको प्रहरीको विशेष टोलीले जुवा खेलिरहेको अवस्थामा नगद रु सात लाख ५२ हजार ८५० र १६ थान कौडासहित उनीहरुलाई पक्राउ गरेको हो ।भक्तपुर नगरपालिका–२ कमलविनायक भत्केकोपाटीस्थित रातोभाले रिसोर्टमा जुवा खेलीरहेको बिशेष सुचनाका आधारमा छापा मारि प्रहरीले २० जुवाडेलाई गरेको भक्तपुर प्रहरी परिसरले जानकारी दिएको छ । प्रहरीले जुवा खेलाउने रिसोर्टका सञ्चालक काभ्रे दोलालघाट–८ का वर्ष २८ का कुमार खत्रीसहित २० जनालाई नियन्त्रणमा लिएर अनुसन्धान गरिरहेको बताएको छ ।  दुईजना महिला समेत जुवामा खेलमा नियन्त्रण लिएता पनि अनुसन्धान पश्चात छाडिएको परिसरले जनाएको छ । जवाडे सहित सञ्चालकलाई १८ जनालाई मुद्दा चलाइएको छ ।