आज इन्टपोलको क्षेत्रिय सम्मेलन सकिदै

काठमाडौं, ७ माघ । राजधानीमा जारी प्रहरीको अन्तर्राष्ट्रिय संगठन इन्टरपोलको क्षेत्रिय सम्मेलन आज सकिदैछ । राजधानीको हयात् होलमा जारी सम्मेलनमा नेपाल प्रहरीका साथै अन्तर्राष्ट्रिय स्तरका उच्च सुरक्षा अधिकारीहरुले विभिन्न विषयमा छलफल गरेका थिए ।
सममेलनमा अन्तर्राष्ट्रिय अपराध नियन्त्रणका क्रममा प्राप्त अुनभव साटासाट गर्नुका साथै बालबालिका विरुद्ध हुने अपराध, सिमा सुरक्षा व्यवस्थापन, एसिया क्षेत्रमा प्रति आतंकवाद नियन्त्रणको प्रयास, साइबर अपराध लगायतका विषयमा छलफल भएको थियो ।
सम्मेलनमा संगठित अपराध नियन्त्रणको अवस्था, वन्यजन्तु सम्बन्धी अपराध र म्याच फिक्सिङ लगायतका विषयमा कसरी प्रभावकारी ढङ्गले अघि बढ्ने भन्ने विषयमा पनि छलफल भएको नेपाल प्रहरीले जनाएको छ । आजको समापन सत्रमा उपप्रधान तथा गृहमन्त्री विमलेन्द्र निधि सहभागी हुने तयारी भएको छ । गत बुधबारदेखि जारी सम्मेलनमा विभिन्न २३ राष्ट्रका एक सय ३२ प्रतिनिधि सहभागी छन् ।