ट्रम्पले आफूमाथि लगाएको आरोप कपोलकल्पित र हल्का झुट रहेको पुटिनको भनाई

एजेन्सी, ५ माघ । रुसका राष्ट्रपति भ्लादिमिर पुटिनले अमेरिकाको राष्ट्रपतिमा निर्वाचित डोनाल्ड ट्रम्पका बारेमा आफूहरुसँग आपत्तिजन जानकारी रहेको भन्ने आरोप कपोलकल्पित र हल्का झुट रहेको बताएका छन् । । ट्रम्प राजनीतिमा आउनु पूर्व नै उनका बारेमा निगरानी गर्नु पर्ने कुनै कारण नै नरहेको भन्दै पुटिनले प्रश्न गरे । ट्रम्पका बारेमा आपत्तिजनक जानकारी रहेको भन्दै आफूहरुमाथि आरोप लगाउनु वेश्यावृत्ति भन्दा खराब रहेको पुटिनको भनाई छ ।
अमेरिकी गुप्तचर विभागले गएको हप्ता रुसले अमेरिकी राष्ट्रपति चुनावमा प्रभावित पार्न खोजेको र ट्रम्पको व्यक्तिगत जिन्दगीका बारेमा उससँग गोप्य र आपत्तिजनक भिडियोसहितका जानकारी रहेको बताएका हुन् । ट्रम्प सन् २०१३ मा मस्कोमा भएको मिस युनिभर्समा गएको र त्यसबेला त्यहाँको रिट्ज कारल्टन होटलमा ट्रम्प एक यौनकर्मी महिलासँग बसेको आरोप छ । रुससँग त्यसबेलाको भिडियो रहेको उल्लेख छ ।