बसले मोटरसाइकललाई ठक्कर दिँदा तीनको मृत्यु

सुनसरी, १ माघ । सुनसरीको हरिपुरमा बसले मोटरसाइकललाई ठक्कर दिँदा मोटरसाइकलमा चढेका तीन जनाको मृत्यु भएको छ । हरिपुर–५ स्थित लोकमार्गमा इटहरीतर्फ जाँदै गरेको ना ४ ख २९३१ नम्बरको बसले विपरित दिशाबाट आइरहेको को १९ प ३३५० नम्बरको मोटरसाइकललाई ठक्कर दिँदा तीन जनाको मृत्यु भएको हो ।
मृत्यु हुनेमा इटहरी–५ का २५ वर्षका कान्छा तामाङको मात्र सनाखत भएको छ । दुई जनाको सनाखत हुन बाँकी रहेको जिल्ला प्रहरी कार्यालयले जना्एको छ ।