संशोधन प्रस्ताव टेबुल गरेको विरोधमा गुल्मी बन्द

काठमाडौं, २७ पुस । सरकारले मधेसी मोर्चाको माग सम्बोधनका लागि भन्दै संसद सचिवालयमा संविधान संशोधन विधेयक टेबुल गरेको विरोधमा आज गुल्मी बन्द गरिएको छ । सरकारले पाँच नम्बर प्रदेशलाई टुक्राउन लागेको विरोधमा संयुक्त आन्दोलन संघर्ष समितिले गरेको बन्दका कारण जनजीवन बिहानैदेखि प्रभावित भएको छ ।
बन्दका कारण कुनै पनि सवारी साधनहरु सञ्चालनमा आउन सकेका छैनन् भने बजार तथा कलकारखाना समेत ठप्प रहेका छन् । आन्दोलनकर्ताले सरकारले टेबुल गरेको संशोधन विधेयक राष्ट्र हित विपरीत रहेको भन्दै त्यसको विरुद्धमा संघर्षमा उत्रन सर्वसाधारणलाई आग्रह समेत गरेका छन् ।