सुनको मूल्य ५४ हजार नाघ्यो

काठमाडौं, २६ पुस । आज सुनको मूल्य तोलामा ३ सय रुपैयाँले बढेको छ । हिजो ५३ हजार ८ सय रुपैयाँले कारोबार भएको सुन आज ३ सय रुपैयाँले बढेर प्रतितोला ५४ हजार १ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।
त्यस्तै, चाँदीको मूल्यमा पनि ५ रुपैयाँले बढेको छ । हिजो प्रतितोला ७ सय ८० रुपैयाँमा कारोबार भएको चाँदी आज ५ रुपैयाँले बढेर ७ सय ८५ रुपैयाँमा कारोबार भएको महासंघले जनाएको छ ।