कार्ली लोयड फिफा महिला वर्ष खेलाडी

एजेन्सी, २६ पुस । अमेरिकी कार्ली लोयडले फिफा वर्ष खेलाडीको महिला विधाको पुरस्कार जितेकी छिन् । पाँच पल्टकी विजेता ब्राजिलकी मार्टा र रियो ओलम्पिककी स्वर्ण पदकधारी जर्मनीकी मेलानी बेरिङ्गरलाई उछिन्दै लोयडले फिफा वर्ष खेलाडीको महिला विधाको पुरस्कार जितेकी हुन् ।
अमेरिकाले यस वर्ष ओलम्पिक उपाधि नजितेपनि आफ्नो क्लब हस्टन ड्यास र देशका लागि उत्कृष्ट प्रदर्शन गरेका कारण लोयडलाई पुरस्कृत गरिएको थियो ।
लोयडले २० दशमलव ६८ मत प्राप्त गरेकी थिइन् । मार्टाले १६ दशमलव ६० र मेलानीले १२ दशमलव ३४ मत प्राप्त गरेकी थिइन् ।