एमालेको आमसभामा मोर्चाको अवरोध

सुनसरी, २५ पुस । मधेसी मोर्चाको अवरोधका बिच सुनसरीको हरिनगरामा नेकपा एमालेले आमसभा गरेपछि तनाव उत्पन्न भएको छ । एमाले बरिष्ठ नेता माधव नेपालले सम्बोधन गर्ने आमसभा आसपास मधेसी मोर्चाका कार्याकर्ताहरुले प्रदर्शन गरेपछि तनाव उत्पन्न भएको हो ।
एमालेले आमसभा गर्ने तयारी थालेदेखि नै मोर्चाका कार्याकर्ताहरुले कुनै पनि हालतमा कार्यक्रम गर्न नदिने घोषणा गरेका थिए । उनीहरुले विरोध स्वरुप हरिनगरा बजार सोमबार बिहानैबाट बन्द गरेका छन् ।
मोर्चाका कार्यकर्ताहरुले हरिनगरामा केहीबेर अघि यात्रुबाहक बसमा आगजनी गरेका छन् भने एउटा बसमा तोडफोड गरेका छन् । सुनसरीका प्रहरी उपरीक्षक पोषराज पोखरेलले आगजनीको प्रयास भएको तर सुरक्षाकर्मीले तत्काल निभाएकाले क्षति नभएको बताए ।
त्यस्तै प्रहरीले ५ बोतल पेट्रोल बम पनि बरामद गरिएको छ भने आगजनी गर्न खोज्ने एक जनालाई पक्राउ गरेको छ ।