संशोधन विधेयक असफल पाछौं : नेपाल

विराटनगर, २५ पुस । नेकपा एमालेका नेता माधवकुमार नेपालले प्रतिपक्षी दलको विरोधको बाबजुद पनि सभामुखले संसद्को रुलिङ विपरित संविधान संशोधन विधेयक टेवुल गरेको आरोप लगाएका छन् । नेता नेपालले विपक्षीको असहमति हुँदा हुँदै पनि संशोधन विधेयक दर्ता भएको भन्दै विधेयकलाई जसरी भए पनि विफल पार्ने दावी गरे ।
विराटनगरमा आज सञ्चारकर्मीहरुसँग कुराकानी गर्दै नेता नेपालले संसदीय मूल्य र मान्यता विपरित सरकारले जबरजस्ती संशोधन विधेयक संसदमा पेश गरेको आरोप लगाएका छन् ।
नेता नेपालले प्रतिपक्षको विरोध र असहमति हुँदा संसद् बैठक स्थगित गर्ने चलन रहँदै आएकोमा त्यसविपरीत गएर संशोधन विधेयक दर्ता गराउनु अशोभनीय भएको जिकीर गरे ।