टोटनह्याम एफए कप फुटबलको चौथो चरणमा प्रवेश

एजेन्सी, २५ पुस । टोटनह्याम एफए कप फुटबलको चौथो चरणमा प्रवेश गरेको छ । गएाति भएको तेस्रो चरणको खेलमा एस्टन भिल्लालाई २–० ले हराएर टोटनह्यामले चौथो चरणमा स्थान बनाएको हो ।
टोटनह्यामलाई जिताउन बेन डेविस र सन हेङ–मिनले एक एक गोल गरे । पहिलो हाफमा गोल रहित बराबरीमा रोकिएको टोटनह्यामका लागि ७१ औं मिनेटमा डेभिसले पहिलो गोल गरे । त्यसको ९ मिनेटपछि सनले गोल गर्दै टोटनह्यामलाई २–० को जित दिलाए ।
गएराति नै भएका अरु खेलमा फुलह्यामले कार्डिफलाई २–१ तथा सेफिल्ड वेनस्डेलाई मिडल्सबर्गले ३–० ले हराएर चौथो चरणमा स्थान बनाएका हुन् ।