लुम्बिनी चिनी उद्योग जनताको बिपक्षमा तर प्रशासन उद्योगको पक्षमा

। रबिन्द्र यादव ।
नवलपरासी ,१९ पुस । नेपालकै ठुलो चिनी उद्योग नवलपरासीमा अवस्थित लुम्बिनी चिनी उद्योगले उद्योगबाट निस्किएको फोहर ब्यवस्थापन नगरेको भन्दै स्थानिय आन्दोलनमा उत्रिएका छन् । उद्योगबाट फोहर खरानी जस्तो फोहर बस्तु निस्कदा स्थानियहरुको स्वास्थ्यमा प्रत्यक्ष असर गरेको भन्दै स्थानियबासीहरु आन्दोलनमा उत्रिएका हुन् । यस अगाबै स्थानिय र उद्योग सञ्चालकबीच उद्योगको फोहर ब्यवस्थापनका लागि सहमती गरेपनि उद्योगले सो कार्यान्वयन गरेको छैन् ।
उद्योगले स्थानिय प्रशासनको आडमा स्थानियबासीको स्वास्थ्यमा खेलवाड गर्दै आएका छ । यसबारे पटक पटक स्थानियहरुले जिल्ला प्रशासन कार्यालयलाई जानकारी गराएपनि स्थानिय प्रशासनले स्थानियको माग नसुनी उद्योगबाट पक्षमा वकालत गर्दै आएको छ ।
नियमबिपरीत अबैध काम गरेर बिबादमा आईरहने लुम्बिनी चिनी उद्योगलाई स्थानिय प्रशासनले सहयोग गर्दै आएको छ । जिल्ला प्रशासन कार्यालयको केही उच्च तहका कर्मचारीको आडमा उद्योग सञ्चालकले फोहर ब्यवस्थापन गर्न आलटाल गर्दै आएका छ । जसका कारण स्थानियको स्वास्थ्यमा दिनप्रतिदिन प्रत्यक्ष असर पर्दै गएको स्थानियहरुको भनाई छ ।
लुम्बिनी चिनी उद्योगले यस अगाबै किसानहरुको उखु तौल गर्दा ठगी गर्ने, अबैध रुपमा उद्योगमा रहेका उखुहरु काट्ने लगायतका अबैध काम गर्दै आएको छ । जसको मुददा अहिले पनि अदालतमा कायमै छ । पैसाको आडमा उद्योगले यस्तो मुद्दा समेत किनारा लगाउने योजनामा छ ।
उद्योगका मुख्य मालिक मनिष अग्रवाल हुन् । उनी उद्योग बाणिज्य महासंघ केन्द्रिय सदस्य पनि हुन् । अग्रवालले आफ्नो पदको आडमा स्थानिय प्रशासनलाई आफ्नो हातमा लिएर जनताको कुरा सुन्ने गरेका छैनन् ।
अग्रवालले काठमाण्डौ बसेर नवलपरासीको उद्योग स्थानिय जनताको स्वास्थ्यमा प्रत्यक्ष असर पार्ने गरी रहेको स्थानियहरुको भनाई छ । अग्रवालले स्थानिय प्रशासनका उच्च तह कर्मचारी कर्मचारीलाई आफ्नो पक्षमा पारेर काम गरिरहेका छन् । जिल्ला प्रशासन कार्यालयमा अलि लामो समय बसेका उच्च तहमा कर्मचारी र उद्योग सञ्चालकबीच निटक सम्बन्ध छ ।