तीन दलको बैठक निष्कर्षबिहीन

काठमाडौं, १८ पुस । संसदको जारी गतिरोध अन्त्य गर्न भन्दै बसेको मुख्य तीन दलको बैठक बिना निष्कर्ष सकिएको छ । संविधान संशोधनको विषयमा उत्पन्न गतिरोध अन्त्य गर्ने विषयमा बसेको नेपाली कांग्रेस, नेकपा माओवादी केन्द्र र नेकपा एमालेका शीर्ष नेताहरुको बैठकमा सहमति हुन नसकेको हो ।
सिंहदरबारमा बसेको बैठकमा शीर्ष नेताहरुल आफ्नो अडानबाट पछि नहटेपछि कुनै निष्कर्ष निस्किन सकेन् । बैठकमा एमालेले संसदमा दर्ता भएको संविधान संशोधन प्रस्ताव फिर्ता लिनुपर्ने अडान राखेको थियो । एमालेले संशोधन प्रस्ताव फिर्ता लिए अहिले देखिएको गतिरोध अन्त्य हुने जनाएको थियो ।
बैठकपछि पत्रकारसँग कुरा गर्दै एमाले अध्यक्ष केपी शर्मा ओलीले संशोधन प्रस्ताव फिर्ता भए मात्र सहमति हुन सक्ने बताए ।
कांग्रेस नेता रामचन्द्र पौडेलले सहमतिको प्रयास कायमै रहेको बताए ।