सरकार पक्षले आज बहस गर्दै

काठमाडौं, १८ पुस । सीमांकन हेरफेर गर्ने गरी सरकारले व्यवस्थापिका संसदमा दर्ता गराएको संविधान संशोधन विधेयकविरुद्ध सर्बोच्च अदालतमा परेको रिटमाथि आज पनि सुनुवाई हुदैंछ । प्रधानन्यायाधीश सुशीला कार्की र न्यायाधीश ईश्वर खतिवडाको इजलासले हिजो उक्त रिटमाथिको सुनुवाइ नसकिएपछि आजका लागि सारेको हो ।
अधिवक्ता टीकाध्वज खड्काले संसदमा संशोधन प्रस्ताव दर्ता हुनुअघि नै त्यसलाई रोक्न र दर्ता भैसकेपछि बदर गर्न माग गर्दै दुई छुट्टाछुट्टै रिट दायर गरेका थिए ।
दुवै रिटमाथि हिजोबाट बहस सुरु भएको छ । रिटमा आज सरकार पक्षले बहस गर्ने छ । यसमा पूर्व सांसद मञ्चले दिएको रिट पनि सँगै राखेर हेरिएको छ ।
तीनै रिट पक्षका वकिल वरिष्ठ अधिवक्ता शम्भु थापा, अधिवक्ता टीकाराम भट्टराई, रमेश बडाल र विजय मिश्रले बहस गरेका थिए ।