यस्तो बनेर आयो रोमियो टिजर

काठमाडौं, १७ पुस । वि.सं २०७४ साल वैशाख २९ गतेलाई प्रदर्शन मिति तय गरेको फिल्म रोमियोको टिजर सार्वजनिक गरिएको छ । प्रेमकथाको उक्त फिल्मको टिजरमा पनि लिड कलाकारको प्रेमभाव अनि रोदन र द्वन्द्व समावेश छ ।
नव–निर्देशक शंकर कार्कीको निर्देशनमा तयार भएको यो चलचित्रलाई एचआरके प्रोडक्शनले निर्माण गरेको हो । चलचित्रमा हसनराजा खान, नीशा अधिकारी, मेलिना मानन्धर, ओसिमा बनुको मुख्य भूमिका छ ।
टिजर नियमित रुपमा सार्वजनिक हुँदै आएका फिल्मका ट्रेलर भन्दा पनि लामो छ । २ मिनेट लामो टिजरमा बाँबरी बोलको गीतलाई खास प्राथमिकता दिईएको छ ।