​आज दिनभर उपत्यकामा पानी पर्ने

पाँचथर, १७ पुस । काठमाडौं उपत्यकालगायत आसपासका पहाडी जिल्लाहरुमा आज दिनभर फाट्फुट्ट पानी पर्न सक्ने मौसमविद् समीर श्रेष्ठ जानकारी दिए । अहिले उपत्यकालगायत आसपासका जिल्लाहरुमा फाट्फुट्ट पानी परिहरहेको छ । त्यस्तै, हिमाली क्षेत्रमा भने हिमपात हुन सक्ने उनले बताए ।
हिजोदेखि हिमाली जिल्ला ताप्लेजुङ, जुम्ला, रसुवा, दोलखालगायत उच्च पहाडी र हिमाली भेगमा हिमपात हुँदा जनजीवन प्रभावित भएको छ । दोलखाको च्योर्दुङ डाँडामा हिउँ पर्दा पटासे, ठूलोढुङ्गा, काप्ती, हुनुमान्तेलगायत क्षेत्रको जनजीवन प्रभावित बनेको छ । अस्थायी टहरामा बसिरहेका भूकम्प प्रभावितको जीवन झनै कष्टकर बनेको छ ।