बोर्डिङभित्रै कामदार महिलाको हत्या

इटहरी, १४ पुस । सुनसरी जिल्लाको दुहवी नगरपालिका–४ मा रहेको मनास्लु बोर्डिङमा कार्यालय सहयोगीका रुपमा कार्यरत दुहवी–५ घर भएकी ३५ वर्षीया पवित्रा विष्टको घाँटी रेटेर हत्या गरेको अवस्थामा आज बिहान शव फेला परेको छ ।
पवित्राको हत्या के कारणले भएको हो भनेर सोधखोज भइरहेको र चाँडै नै पवित्राको हत्यामा संलग्न मानिस पत्ता लगाउने प्रहरीले जनाएको छ । यसै क्रममा उक्त बोर्डिङ सञ्चालक शंकर थापा लगायतसँँग प्रारम्भिक सोधपुछ भइरहेको प्रहरीले जनाएको छ ।
पवित्राको हत्या यौनिक पनि हुन सक्ने भन्दै मृतकको शव परीक्षणका लागि अस्पताल लैजाने तयारी भइरहेको उनले बताए ।