सुनचाँदीको भाउ बढ्यो

काठमाडौं, १३ पुस । आज सुनको मूल्य तोलामा ४ सय रुपैयाँले बढेको छ । हिजो ५२ हजार रुपैयाँले कारोबार भएको सुन आज ४ सय रुपैयाँले बढेर प्रतितोला ५२ हजार ४ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । तीन दिन स्थिर रहेको सुनको भाउ आज तोलामा चार सय रुपैयाँले बढेको छ ।
त्यस्तै, चाँदीको मूल्य भने १० रुपैयाँले बढेको छ । हिजो प्रतितोला ७ सय ५० रुपैयाँमा कारोबार भएको चाँदी आज १० रुपैयाँले बढेर ७ सय ६० रुपैयाँमा कारोबार भएको महासंघले जनाएको छ ।