आर्सनलले वेष्ट ब्रोमलाई हरायो

एजेन्सी, १२ पुस । इंग्लिस प्रिमियर लिगमा आर्सनलको लगातार दुई खेलको हारको क्रम तोडेको छ । अघिल्ला दुई खेलमा पराजित भएको आर्सनलले लिग अन्तर्गत गएराति भएको खेलमा वेष्ट ब्रोमलाई १–० ले हरायो ।
घरेलु मैदानमा भएको खेलमा आर्सनललाई जिताउन ओलिभर जिरउडले गोल गरे । पहिलो हाफमा गोलरहित बराबरीमा रोकिएको आर्सनलको जितमा ८६ औं मिनेटमा जिरउडले गरेको गोल नै निर्णयक बन्यो ।
गएरातिको जितसँगै चौथो स्थानको आर्सनलको जितपछि १८ खेलबाट ३७ अंक भएको छ । एक खेल कम खेलेको लिभरपुलको समान ३७ अंक नै भए पनि गोल अन्तरका आधारमा तेस्रो स्थानमा छ ।