गाई मारेको विरोधमा सुदूरपश्चिम बन्द

बझाङ, १० पुस । गाई मारेको विरोधमा सुदुपश्चिमका जिल्लाहरु बन्द भएका छन् । बन्दका कारण आज सुदूरपश्चिमका जिल्लामा बिहानैदेखि सवारी आवात जावत देखिदैन भने बजार पनि बन्द भएको छ । गाई मारेर फालेको विरोधमा हिन्दुवादी संगठनले बन्द आह्वान गरेका हुन् ।
गत मंगलबार कैलालीको गोदावरी वनमा २५ वटा गाईगोरु मृत अवस्थामा भेटिएको थियो । यही घटनाको विरोधमा बन्द गरिएको हिन्दु राष्ट्र संरक्षण संर्घष समितिका संयोजक हरि रेग्मीले बताएका छन् ।
कञ्चनपुरको बेदकोट नगरपालिकाले छाडा गाइगोरु व्यवस्थापन गर्ने भन्दै उक्त गाईगोरुहरु गोदावरी पु¥याएको स्वीकार गरेको छ । घटनाको छानबिन गरी दोषीलाई कारवाही गर्नु पर्ने बन्दकर्ताको माग छ ।