कांग्रेस जिल्ला कोषाध्यक्षहरुको सम्मेलन आजबाट सुरु हुदै

काठमाडौं, पुस ८ । नेपाली कांग्रेसका जिल्ला कोषाध्यक्षहरुको प्रथम राष्ट्रिय सम्मेलन आजबाट राजधानीमा सुरु हुदै छ । कांग्रेसका सन्तनेता कृष्णप्रसाद भट्टराईको ९३ औं जन्म जयन्तीको अवसर पारेर काग्रेसले आज सम्मेलनको आयोजना गर्न लागेको हो । राष्ट्रिय सभागृहमा सुरु हुने सम्मेलनको काग्रेस सभापति शेरबहादुर देउवाले उद्घाटन गर्ने कार्यक्रम रहेको छ ।
दुईदिने सम्मेलनमा राजनैतिक दलहरुले आर्थिक व्यवस्थापनका लागि गर्ने चन्दा संकलन अभियानको भय ,त्रासबाट मुक्त गर्ने उपाय ,आयव्ययको पारदर्शीताको सार्वजनिकरण गर्ने व्यवस्था लगायतका बिषयमा छलफल गरिने छ ।
यस्तै सम्मेलनले अन्य लोकतान्त्रिक मुलुकमा जस्तै राजनितिक दललाई न्युनतम आर्थिक सहयोगको व्यावस्था गर्न आवश्यक पहल गर्न राज्यको ध्यानाकर्षण गर्ने जनाईएको छ ।