अफगानिस्तानमा सांसदको घरमा आक्रमण

एजेन्सी, ७ पुस । अफगानिस्तानको राजधानी काबुलमा रहेको एक सांसदको घरमा आक्रमण भएको छ । स्थानीय सञ्चार माध्यमका अनुसार आक्रमणमा २ बच्चा सहित ५ जनाको मृत्यु भएको छ ।
तीन जना बन्दुकधारीले हेलमन्द प्रान्तका सांसद मिर वलीको घरमा आक्रमण गरेका हुन् । सांसद वली घरबाट सुरक्षित निस्किएका छन् । आक्रमणमा केही मानिस घाइते भएका छन् । तालिबानले आक्रमणको जिम्मेवारी लिएको छ । सन् २०१४ मा अफगानिस्तानबाट अन्तर्राष्ट्रिय सेना फिर्ता भएपछि हेलमन्द प्रान्तका धेरै क्षेत्रमा तालिबानले दबाब कायम गर्दै आएको छ ।