बसले किचेर वृद्धको मृत्यु

कञ्चनपुर, ६ पुस । कञ्चनपुर सदरमुकाम महेन्द्रनगरमा बसले किचेर आज बिहानै एक बृद्धको मृत्यु भएको छ । मृत्यु हुनेमा बेदकोट नगरपालिका–८ गैलनदीका ६० वर्षीय राम नाथको मृत्यु भएको जिल्ला प्रहरी कार्यालय कञ्चनपुरले जनाएको छ । ट्राफिक चोकबाट बसपार्कतर्फ गइरहेको ना ३ ख ७६९४ नम्बरको बसले नाथलाई किच्दा मृत्यु भएको हो ।
बृद्धलाई किच्ने बसका चालक फरार रहेको प्रहरीले जनाएको छ । प्रहरीका अनुसार दुर्घटनापछि फरार रहेका चालकको खोजी भइरहेको छ ।