ट्रिपरको ठक्करबाट एक महिलाको मृत्यु

काठमाडौं, ५ पुस । काठमाडौंको चाबहिलमा ट्रिपरको ठक्करबाट एक महिलाको मृत्यु भएको छ । मित्रपार्कबाट चावहिलतर्फ जाँदै गरेको बा ४ ख ४९२६ नम्बरको टिप्परले सडक पार गर्दै गरेकी झापा सताशीधामकी ३२ वर्षीया कला भट्टराई क्षेत्रीलाई ठक्कर दिएको थियो ।
टिप्परको ठक्करबाट गम्भीर घाइते भएकी उनको उपचारका लागि शिक्षण अस्पताल महाराजगञ्ज लाने क्रममा बाटोमै मृत्यु भएको प्रहरीले जानकारी दिएको छ ।
प्रहरीले टिप्परले भट्टराईलाई बाटो काट्ने क्रममा चाबहिलको मित्रपार्कमा ठक्कर दिएको जनाएको छ । ठक्कर दिने टिप्पर र चालकलाई प्रहरीले नियन्त्रणमा लिएको छ ।