आफ्नै फिल्ममा आइटम गर्ल बनिन् छुल्ठिम

काठमाडौँ, ३ पुस । फिल्म डायरी यति बेला चर्चामा छ । अभिनेत्री रेखा थापाले पहिलोपटक भिलेनको भूमिका निभाएको फिल्मको आइटम गीत पैसा न कौडीको भिडियो युट्युवबाट सार्वजनिक भएको छ ।
चलचित्र नोभेम्वर रेनबाट ठूलो पर्दामा देखिएकी अभिनेत्री छुल्ठिम गुरुङ आफ्नै लगानी रहेको चलचित्र डायरीमा आइटम गर्लको रुपमा देखिएकी छन् । डायरीको आइटम गीत पैसा न कौडीमा छुल्ठिमको आइटम डान्स देख्न सकिन्छ । पैसा न कौडी बोलको गीतमा निखिल विश्वासको शब्द र संगीत रहेको छ भने रेश्मा पुनले स्वर दिएकी छिन । गीतमा गम्भीर विष्टको कोरियोग्राफी रहेको छ । फिल्ममा कथा छेतेन गुरुङको रहेको छ । फिल्मलाई शिव राम श्रेष्ठले छायांकन गरेका हुन् भने प्रविन श्रेष्ठले सम्पादन गरेका छन् । गीतको भिडियोमा छुल्ठिम गुरुङ, सन्नी सिंह, रेखा थापालगायतको अभिनय देख्न सकिन्छ ।
यस फिल्मलाई आवरण फिल्म मार्फत निर्माताको रुपमा फिल्ममा प्रवेश गरेका अनिल योन्जनले निर्देशन गरेका छन् । फिल्ममा छुल्ठिम र सन्नीको प्रेम कथा देखाइएको छ । चलचित्र चैत्र ११ मा रिलिज हुँदैछ ।