नेपाली चलचित्र गाजलु युट्युबमा

काठमाडौं, ३ पुस । अनमोल केसी र पूर्व मिस नेपाल सृष्टी श्रेष्ठको मुख्य भूमिका रहेको नेपाली चलचित्र गाजलु युट्युबमा सार्वजनिक भएको छ । सृष्टी श्रेष्ठको डेब्यू चलचित्र गाजलु जेठ २८ गते रिलिज भएको थियो ।
हेमराज बिसीको निर्देशन र रोहित अधिकारीको निर्माण रहेको यो चलचित्रलाई युट्युबमा सार्वजनिक भएको दुई दिनमै ८ लाख ८५ हजार भन्दा धेरै पटक हेरिएको छ ।
चलचित्रमा अनमोल र सृष्टीका अलावा गौरभ पहाडी, सलोन बस्नेत, मेनुका प्रधान, गौरी मल्ल, कृष्ण मल्ल, विश्व बस्नेत ऋतिक शाही लगायतका कलाकारको अभिनय रहेको छ ।