नेपालसामू २२८ रनको लक्ष्य

३० मंसिर, काठमाडौं । श्रीलंकामा आजदेखि सुरु भएको एसीसी यु १९ एशिया कप क्रिकेटको पहिलो खेलमा नेपालले घरेलु टोलीबाट २२८ रनको बिजयलक्ष्य पाएको छ ।नेपाल केहिबेरमा जवाफी ब्याटिङका लागि उत्रँदैछ। टस हारेर पहिले ब्याटिङ गरेको श्रीलंकाले निर्धारित ५० ओभरमा ८ विकेट गुमाउँदै २२७ रनको योगफल बनाएको थियो । उसका लागि हसिथा बोयागोडाले सर्बाधिक ८३ रनको योगदान दिए ।

इनिङको पहिलो बलमै पहिलो विकेट गुमाएको श्रीलंकाका लागि रविन केली र बोयागोडाले दोस्रो विकेटका लागि ६८ रनको साझेदारी गर्दै इनिङ उकासेका थिए । बलिङतर्फ नेपालका पवन सर्राफ र कमलसिंह ऐरीले दुई दुई विकेट लिए ।