जनतालाई शेयर दिने मोडालिटी छिट्टै :मन्त्री शर्मा

ऊर्जामन्त्री जनार्दन शर्माले जलविद्युत आयोजनाहरुमा जनतालाई शेयर दिने मोडालिटी केही दिनमै सार्वजनिक गर्ने जानकारी दिए छन्।बिराटनगरमा ओयोजित पत्रकार सम्मेलनमा नेपालको पानी, जनताको लगानी’ कार्यक्रम अन्तरगत सरकारले निर्माण गर्ने जलविद्युत आयोजनाहरुमा जनतालाई ३० प्रतिशत शेयर दिने नीति रहेको बताए ।

मन्त्री शर्माले भने, जलविद्युत आयोजनाहरुमा जनतालाई के कसरी सहभागी गराउन सकिन्छ भन्ने विषयमा ऊर्जा मन्त्रालयले मोडालिटी तयार गरिरहेको छ, त्यो छिट्टै सार्वजनिक गरिनेछ ।पत्रकार सम्मेलनमा मन्त्री शर्माले विद्युत चुहावट गर्नेमा ठूला घरानाको उद्योगीहरुको संलग्नता पाइएको समेत जानकारी दिए । उनले भने, विद्युत चुहावट गर्ने यस्ता उद्योगहरुको विवरण लिने काम भइरहेको छ, हामी चाँडै यस्ता उद्योगहरुको नाम सार्वजनिक गर्ने छौं र सबै जनताले थाहा पाउने छन् ।