कंगनाको पारिश्रमिक पाँच गुणा बढ्यो ?

एजेन्सी, २६ मंसिर । बलिउड अभिनेत्री कंगना रनावतले आफ्नो पारिश्रमिक बढाएर १५ करोड पुर्याएको खबर प्रकाशित भएको छ । हालै मात्र उनले दुई निर्माताहरुसँग आफ्नो पारिश्रमिक अब १५ करोड भएको भन्दै प्रति सिनेमा १५ करोडको माग राखेकी छिन् । कंगनाको मागलाई निर्माताहरुले पूरा गरे नगरेको भने पुष्टि भएको छैन ।

तर उनलाई निर्माताहरुले १५ करोड दिएभने उनी बलिउडकै महंगी अभिनेत्री बन्नेछिन् । यो भन्दा पहिले उनले एक सिनेमाको ३ करोड लिन्थिन् । यस हिसाबले यदि उनको पारिश्रमिक १५ करोड भयो भने उनको पारिश्रमिक पाँच गुणा बढ्नेछ । कंगनाभन्दा पहिले दीपिका पादुकोण बलिउडकी सबैभन्दा महंगी अभिनेत्री थिईन् । दिपिकाले संजय लिला भंसालीको पद्मावतीका लागि १३ करोड पारिश्रमिक लिएकी छिन् ।