बार्सिलोनाको प्रभावशाली जित

एजेन्सी, २६ मंसिर । साबिक विजेता बार्सिलोनाले स्पेनिस ला लिगामा शानदार जित दर्ता गरेको छ । गएराति भएको खेलमा बार्सिलोनाले ओसासुनालाई ३–० ले हराएको हो ।
बार्सिलोनाको जितमा लियोनल मेस्सीले दुई तथा लुइस स्वारेजले एक गोल गरे । पहिलो हाफमा गोलरहित बराबरीमा रोकिएको बार्सिलोनाका लागि ५९ औं मिनेटमा स्वारेजले गोल गर्दै सुरुवाति अग्रता दिलाए । त्यसपछि मेस्सीले ७२ औं मिनेट र इन्जुरी समयमा गोल गर्दै भ्रमण टोली बार्सिलोनालाई ३–० को जित दिलाए ।
जितपछि दोस्रो स्थानको बार्सिलोनाको १५ खेलबाट ३१ अंक भएको छ । उ शीर्ष स्थानको रियल मड्रिड भन्दा ६ अंकले पछि छ ।