म्यानचेस्टर सिटी लिसेस्टरसँग पराजित

एजेन्सी, २६ मंसिर । म्यानचेस्टर सिटी लिसेस्टरसँग पराजित भएको छ । किङ पावर स्टेडियममा गएराति भएको खेलमा लिसेस्टरले शीर्ष स्थानको होडमा रहेको म्यानचेस्टर सिटीलाई ४–२ ले पराजित गरेको हो ।
लिसेस्टरलाई जिताउने भर्डीले ३, २० र ७८ औं मिनेटमा गरी ह्याट्रिक पूरा गरे । यस्तै एण्डी किङले पनि एक गोल गरे । पेप गार्डिवलाको टिम म्यानचेस्टर सिटीका लागि एलेकसान्डर कोलारोव र नोलिटोले एक एक गोल गरे ।
जितसँगै लिसेस्टरले पाँच खेलदेखिको लिगमा जित बिहीन यात्रा टुंग्यायो । १५ खेलबाट १६ अंकसहित लिसेस्टर १४ औं स्थानमा छ । यस्तै चौथो स्थानमा झरेको म्यानचेस्टर सिटीको ३० अंक छ र उ शीर्ष स्थानको आर्सनल भन्दा चार अंकले पछि छ ।