एक महिलाको रहस्यमय मृत्यु

बनेपा, २४ मंसिर । काभ्रेपलाञ्चोक सानो बाङ्थली गाविस– ७ का ३३ वर्षीया लक्ष्मी परियारको आज रहस्यमय मृत्यु भएको छ । उनीमाथि कुटपिट भएपछि प्रहरी र स्थानीयवासीको रोहवरमा मिलापत्र भएको भोलिपल्ट नै परियारको शव घर बाहिर फेला परेको काभ्रेपलाञ्चोकका प्रहरी उपरीक्षक सहकुल थापाले जानकारी दिए ।

प्रहरी चौकी चौबासमा कुटपिटको विषयमा मिलापत्र भएको थियो ।  यो घटना कसरी भयो, यसको विस्तृत अनुसन्धान थालिसकेका छौँ प्रहरी उपरीक्षक थापाले भने– उनलाई स्थानीयवासीले बोक्सीको आरोपमा मलमूत्र खुवाएर कुटपिट गरेको थियो ।