सुनको भाउ घट्दै

काठमाडौं, २१ मंसिर । आज सुनको मूल्य तोलामा १ सय रुपैयाँले घटेको छ । हिजो ५३ हजार ८ सय रुपैयाँ कारोबार भएको सुन आज १ सय रुपैयाँले घटेर प्रतितोला ५३ हजार ७ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यो मूल्य २०७२ साल फागुनयताकै सस्तो हो ।
त्यस्तै, चाँदीको मूल्य भने ५ रुपैयाँले बढेको छ । हिजो प्रतितोला ७ सय ८५ रुपैयाँमा कारोबार भएको चाँदी आज ५ रुपैयाँले बढेर ७ सय ९० रुपैयाँमा कारोबार भएको महासंघले जनाएको छ ।